نادين نسيب نجيم ترفض نظرية "لو ما السوريين": "اشتغلت مع جماعتكم ولكن..."

يعود جدل نسب نجاح الممثلين اللبنانيين الى التعاون مع زملائهم من جديد، وقرّرت الممثلة نادين نسيب نجيم رفض هذه النظرية في رسالة واضحة عبر حسابها على إنستغرام.

وبدأت نادين نسيب نجيم منشورها بعبارة "صباح الخير. متل العادة كل ما بيكون عندي عمل جديد بسمع هون وهون نفس الأسطوانة "لو ما جماعتنا ولو ما فلان ولو ما السوريين..." على اساس انا اللبنانية الوحيدة يلي اشتغلت مع جماعتكم".

وأعربت نجيم عن إعتراضها على نسب نجاحها الى العمل مع السوريين، فقالت "كتار اشتغلوا بس الفرق انه مش الكل حصد نفس النجاح لأنه بكل بساطة تعبي وجهدي خلال هالسنين وموهبتي هني من صنع ربي ونعمة من ربي، وطموحي وإصراري على النجاح بيرجع لمجهود شخصي. وهيدي المهنة بتساع الكل وما بكمّل غير القوي وما بينجح غير الشاطر".

وتابعت "شكراً على كل حال لكل حدا مرق بحياتي لانه النجاح بده دعم وبده فريق وبده شركة محترمة وبده كمان شريك ناجح. بفتخر بكل انسان اشتغلت معه من أصغرهم لأكبرهم ومن فنيين ومن فنانين". 

 
وأضافت نادين "مع الأسف بعد في ناس بتفكر انه في حدا بالغصب بيقدر يصنع نجاح حدا اذا ما كان بيستاهل. ولو كانت الحياة بهالسهولة، كانت كل الناس نجحت بكافة المجالات! الفرص بتجي للكل، وحده الشاطر الذكي يلي بيقدر يترك بصمة خاصة ونجاح مستمر. والحمدالله على كل شيء. أتمنى يكون كلامي نقطة تنهي هذا الجدل المستمر يلي ما اله اي طعمة غير يخلق حساسيات ومشاكل بين الناس!".